गणेश वन्दना
गजबदन गणेश
माता श्री पार्वती पिताश्री महेश ||
काया विशाल भाल शोभित श्री चन्दन
दीव्य रूप अति अनूप गिरिजाके नन्दन
सिंदुरं सुवेश ||
माता श्री…….
कमल-हस्त मधुर मस्त मूसक सवारी
जगतक दुलारू सदैव शुभकारी
दाता दवेश ||
माता श्री…….
ओम केर प्रदक्षिणा सँ प्रथमपूज्य भेलौं
भक्त केर कष्टहरण हेतु शस्त्र लेलौं
जागु विघ्नेश ||
माता श्री…….
ज्ञानधाम देव अहाँ ज्ञानदान करियौ
तमोभूत ‘चन्द्रमणि’ तम विकार हरियौ
कविगुरु करुणेश ||
माता श्री…….
-चन्द्रमणि
समर्पण
ई पुष्प जोगओल तनिका ले’
जे काज करथि मा मिथिला ले’ |
मैथिली फिल्म निर्माण करथि
नहि हानि लाभ केर ध्यान करथि ||
निज भाषा पर गउरव जनिका
गीतक अम्बुज देबनि तनिका ||
-चन्द्रमणि
